Simba B Bingwa ABC Super8 Cup 2012

Simba B Bingwa ABC Super8 Cup 2012

Kikosi cha timu ya wekundu wa Msimbazi  Simba B ambacho kilishuka dimbani hii leo katika uwanja wa Taifa jijini Dar es salaam kumenyana na Mtibwa Suger ya turiani katika fainali za ABC Super8 Cup 2012 na kuwatandika  wakata Miwa hao wa miwa wa turiani kwa magoli 4-3. 

 

Simba iliwalazimu kutumia dakika 120 kuwararua wakata Miwa hao walikuwa wabishi kuwadhibiti Simba hao watoto walio kuwa wakiwatimua kila mara na mapanga yao ya kukatia miwa. 

 

 

Kwa matokeo hayo sasa Simba inakuwa timu ya kwanza kunyakua kombe hilo kwani ndio mara ya kwana kushindaniwa hapa nchini. 

Simba iliyochezesha kikosi cha vijana watupu, iliifunga Azam FC iliyojaza wakali kibao wa kikosi cha kwanza kwa mabao 2-1  ambapo katika mechi iliyotanguliwa na ushindi mzito wa Mtibwa wa  bao 5-1 dhidi ya Jamhuri ya Pemba.

Mshindi wa pili wa michuano hiyo ambaye ni Mtibwa amepata zawadi ya Shilingi  milioni 20.

Timu mbili zilizoiishia hatua ya nusu fainali, Azam na Jamhuri, kila moja itapata Sh. milioni 15 wakati zilizobaki za Super Falcon, Zimamoto na Mtende za Zanzibar pamoja na Polisi Morogoro ya Bara, zote kila moja itapata Sh. milioni 5

Aidha Mshambuliaji wa klabu ya Simba B  Edward Christopher ameibuka mfungaji bora wa michuano hiyo  ya BancABC Super8 iliyomalizka leo ,ambaye kabla ya mchezo wa leo alikuwa na mabao matano, katika mchezo wa fainali ya leo aliweza kufunga hat-trick na kusiadia timu yake kubeba ubingwa huku yeye mwenye akimaliza akiwa na magoli nane na hivyo kutawazwa kuwa mfungaji bora wa michuano hiyo.