Mwana Wa Afrika

SERIKALI ITAENDELEA KUYAUNGA MKONO MASHIRIKA YA MISAADA KWA WANANWAKE

Na. Mohammed Mhina, Zanzibar

Serikali imesema itaendelea kuunga mkongo juhudi zozote zitakazosaidia kumkomboa mwanamke kielimu ili kujenga moyo wa kujiamini katika nafasi ya uongozi.

Ahadi hiyo imetolewa leo na Waziri wa Nchi Ofisi ya Rais Menejimenti na Utumishi wa Umma  Mh. Cellina Kombani, wakati akifungua mafunzo ya wiki moja kwa wanawake wa mikoa ya Zanzibar na Dar es Salaam yanayofanyika mjini Zanzibar.

 

Wakati akifungua mafunzo hayo yanayotolewa na Shirika la Misaada la Ujerumani la Hanns Sedel Foundation Mh. Kombani amesisitiza kuwa hatua inayochukuliwa wa shirika hilo hapa nchini, amesema serikali inaunga mkono hatua hiyo ambayo amesema itamuwezesha mwanamke kujenga moyo wa kujiamini.

                         Waziri Kombani akiongea na washiriki hawapo pichani

Ameviomba  vyama vya siasa hapa  nchini kuwasaidia wanawake katika kuwapa wanawake fursa ya kushiriki katika mafunzo kama hayo ili kuwajengea wanawake uwezo wa kujiamini na kutekeleza majukumu yao ya uongoozi katika ngazi mbalimbali.

Shirika la Misaala la Hanns Seidel Foundation lenye makao yake makuu katika Jiji la Munich nchini Ujerumani, kwa ushirikiano na Kituo cha utawala bora na maendeleo ya kiuchumi  wameandaa mafunzo kwa wanawake hapa nchi.

                    Waziri Kombani akiongea na washiriki hawapo pichani

Zaidi ya wanawake 160 watanufaika na mafunzo yatakayoendeshwa katika kanda sita zitakazoishirikisha mikoa yote hapa nchini.

               ataobias Mapesi mkurugenzi wa Kituo cha utawala bora na maendeleo ya kiuchumi

Hayo yamebainishwa na Msaidizi wa Mwakilishi Mkazi wa Shirika la Hanns Seidel Foundation nchini Tanzania Bw. Konrad Teichert wakati wa ufunguzi wa mafunzo kwa akina mama katika kituo cha Zanzibar ambapo mgeni rasmi alikuwa Waziri wa Nchi Ofisi ya Rais Menejimenti na Utumishi wa Umma  Mh. Cellina Kombani.

 

Kaimu Mkurugenzi wa kituo cha utawala bora na maendeleo ya kiuchumi hapa nchini Bw. Tobias Mapesi, amezitaja kanda hizo kuwa ni Dar es Salaa yenye mikoa ya Dar es salaam yenyewe, Pwani na Lindi.