Barrick yalipa dola laki 8 kwa halamashauri ya Tarime ikiwa ni tozo ya huduma tangu 2002-2005

                    Naibu waziri wa Nishati na Madini Steven Masele

         Meneja wa Mgodi wa North Mara kushoto Bw Gary Chapman

TARIME  

Kampuni ya uchimbaji Madini ya African Barrick inayomiliki Mgodi wa North Mara imelipa kiasi cha Dola laki nane sawa na shilingi Bilioni 1 na milioni mia 300 kwa halmashauri ya wilaya ya Tarime Mkoani Mara ikiwa ni tozo ya huduma kwa kipindi cha Mwaka 2002 hadi 2005.

Makabidhiano hayo yamefanyika katika baraza la Madiwani wa halmashauri ya wilaya ya Tarime mkoani Mara mbele ya Naibu waziri wa nishati na Madini Steven Masele.

Bw Masele alisema kuwa pamoja na kukamilisha kwa Malipo hayo lakini mgodi huo unatakiwa kukamilisha yale yote ambayo wamekubalina ikiwa ni njia ya kuondoa Malumbano ya Mara kwa Mara kati Mgodi na viongozi wa halmashauri hiyo.

“Mgodi umeahidi kukamilisha makubaliano yote hivyo tuwe na uvumilivu katika kukamilisha ahadi hizo”alisema Bw Masele

Baada ya Makabidhiano hayo Naibu waziri huyo akatoa ushauri kwa viongozi wa halmshauri hiyo kuhakikisha fedha hizo hazileti malumbano katika halmashauri hiyo bali zile upendo,amani na Maendeleo

Kwa upande wake mbunge wa jimbo la Tarime Nyambari nyingwine aliomba kutazamwa kwa wale wanaohitaji kulipwa fidia katika maeneo yanayozunguka mgodi ikiwa ni njia ya kuondoa Malumbano ya Mara kwa Mara huku Meneja wa Mgodi wa North Mara Bw Gary Chapman akieleza kutolewa kwa fedha hizo ni ishara ya Kampuni hiyo kutii sheria lakini pia kuleta Mahusiano mema na Jamii.

Kwa Mujibu wa Naibu waziri Steven Masele amesema mpaka sasa halmashauri nne hapa nchini zimelipwa Tozo ya huduma Shilingi Bilioni 8 kutoka katika Makampuni ya Migodi iliyopo katika halimashauri hizo huku viongozi wa halamshauri ya Tarime wakiahidi kuelekeza fedha hizo katika Miradi ya Maendeleo.