HIKI NDIYO KILIO CHETU WANAMUSOMA KWA WAANDAAJI WA FIESTA

Habari za kazi kaka,pole kwa majukumu ya kuelimisha na kuifahamisha jamii kupitia blog yako ya www.mwanawaafrika.blogspot.com.Mimi ni kijana wa kitanzania naishi Musoma na ni mpenzi mkubwa wa mziki wa kizazi kipaya hapa TANZANIA na pia napenda sana kwenda matamasha mbalimbali kama huwa ni muda wa Kufanya hivyo.

Hivi karibuni hapa nyumbani Musoma kulikuwa na TAMASHA ambalo kiukweli lilifana sana na tunapenda sana Mungu atupe uhai ili mwakani tena tushiriki kwa pamoja ikiwa ni njia ya kuburudika baada ya kulijenga TAIFA kwa siku nzima,lakini pamoja na kupenda sana matamasha mbalimbali hasa Fiesta lakini tunachukuzwa na tabia ambayo siku hizi waandaaji hao wameanza kwa sisi wakazi wa Musoma.
Kwa vile wamejua sisi tunapenda sana burudani sasa wameamua kufanya wanavyotaka na si kwa matakwa ya mashabiki wao,nilikuwepo katika Tamasha la Fiesta jijini Mwanza ambapo alikuwepo msanii utoka nchini Marekani Shaggy ambapo umati mkubwa wa wakazi wa Mwanza waliweza kupata burudani ya kutosha na nzuri zaidi kutoka kwa wasanii waliokuwepo,lakini walipokuja Musoma waliamua kuacha baadhi ya wasanii ambao kiukweli tuliwahitaji hapa Musoma ili kutoa Burudani.

Sisemi kwamba wasanii waliokuja hapa Musoma hawafai,hapana wanafaa sana lakini kwanini wasanii wakubwa na ambao watu wanawahitaji wasifike Musoma na badala yake wanaleta wasanii amabo wanachipukia pekee? wasanii kama Roma,Chege.Temba,Mwasiti.Linex na wengine waliokuwepo walifanya vizuri sana lakini tulishangaa kwa mtu kama Fid Q kuletwa Musoma wakati hakuwa na jipya maana alizidiwa hata na hao wasanii wanaochipukia sema ukongwe tu ndiyo uliombeba.

Ebu Tazama sehemu kama Iringa ambapo wasanii wengi maarufu walipelekwa huko iweje Musoma tuletewe wasanii ambao wote wanachipukia? tunaomba kupitia blog yako hao wandaaji wa Fiesta wajue hilo kuwa tunahitaji burudani sana katika mji wetu wa Musoma na si kutumia umaarufu wao kuja kupata fedha na kuondoka,tunaomba mwakani wafanye hata utafiti kujua ni wasanii gani wanatakiwa sehemu huska na si kufanya mambo kwa kukamilisha ratiba

Tunaomba wasanii wa ukweli wawe wanaletwa fiesta Musoma hata kama ni machipukizi lakini pia wakongwe wa ukweli wawepo na si kuweka wakongwe ambao wanabebwa na majina yao,tunaipenda fiesta sana lakini mbona musoma hajwahi kuja msanii kutoka nje ya nchini? kazi kwenu

Ni mimi mshabiki wa fiesta
Musoma
George Masatu