Mwana Wa Afrika

 

Wilaya ya Bunda mkoani Mara inakabiliwa na mgogoro mkubwa ya ardhi jambo ambalo linawafanya watendaji kutumia muda mwingi wa kazi katika kutatua changamoto hizo.

Kauli hiyo imetolewa katika kijiji cha Guta “B” na mkurugenzi mtendaji wa halmashauri ya wilaya ya Bunda Bw Cyprian Oyier wakati wa kukabidhi Hati za kimila 104 kwa wananchi wa kijiji hicho ikiwa ni sehemu ya mashamba 613 ambayo yamepimwa kupitia mpango wa urasimishaji ardhi vijijini.

 

Amesema hivi sasa karibu asilimia 90 ya changamoto za kila siku zinazoikabili halmashauri hiyo ya Bunda ni migogoro ya ardhi hivyo kusema hatua hiyo ya kupimwa kwa mashamba na wananchi kupatia hati miliki za kimila kutasadia kwa kiasi kikubwa kupunguza migogoro hiyo.

Hata hivyo mkurugenzi huyo wa halmashauri ya Bunda,amewaambia wananchi hao kuwa kupata kwa hati hizo licha ya kusadia kutatua migogoro ya ardhi pia kutawawezesha kupata mikopo katika vyombo mbalimbali vya fedha na hivyo kukabiliana na umasikini.

 

Kwa upande wake meneja Urasimishaji ardhi Tanzania Bara kupitia mpango wa urasimishaji rasmalimali na biashara za wanyonge Tanzania MKURABITA,Bi Rehema Ntimizi,amesema hadi sasa mpango huo umefikia halmashauri 34 nchini lengo likiwa ni kuwawezesha wananchi kumiliki ardhi katika mfumo wa kisheria na kuitumia kuwaondolea umasikini.

Akizungumza kwa niaba ya wananchi wa kijiji hicho,afisa mtendaji wa kijiji cha Guta “B” Bw Raymond Misana,amesema changamoto kubwa ambayo imejitokeza wakati wa upimaji wa ardhi ni pamoja na wananchi walio wengi kutoaamini kama hati hizo zinaweza kuwasadia kupata mikopo katika taasisi za fedha huku wengine wakihusisha na itikadi za kisiasa kwa kuhofu kunyang’nywa ardhi yao.

,,,,,,,,,,,,,,,,,//,,,,,,,,,,,,,,,,,,,,//,,,,,,,,,,,,,,,//,,,,,,,,,,,,,