Mwana Wa Afrika

                      MISITU YA ASILI KUTOWEKA KAGERA

Na Ashura Jumapili,Bukoba,

IMEELEZWA kuwa hali ya misitu mkoani Kagera hairidhishi kutokana na kasi ya kutoweka kwa misitu ya asili katika maeneo yaliyohifadhiwa na yasiyohifadhiwa iliongezeka kutokana na sababu mbalimbali ikiwemo zaidi ya hekta 68,508 ambazo hazijahifadhiwa kisheria.

Hayo yameelezwa  katika kikao cha  kamati ya  ushauri  ya mkoa ( RCC )na  Jafar  Omar kutoka ofisi ya maliasili Mkoa wa Kagera, wakati akitoa taarifa ya katika kikao hicho ya kupandishwa hadhi kwa  hifadhi yam situ wa Taifa,Minziro kuwa Hifadhi Asilia.

Omar alisema hali ya misitu kutoridhisha  mkoani Kagera  kunachangiwa na  kutokuwa na mipaka inayotambuliwa,kutokuwa na mpango wa usimamizi hadi 2011ni msitu mmoja tu ndio una mpango wa usimamizi pamoja na uvunaji holela wa miti na uvamizi wa maeneo yam situ.

Alisema sababu nyingine ni uchungaji haramu wa mifugo katika hifadhi za misitu na mapori ya akiba,ujenzi  holela wa makazi katika hifadhi za misitu,uchimbaji wa madini  ndani ya hifadhi,kilimo cha mazao mbalimbali ndani ya hifadhi na ukataji miti ovyo kwa ajili ya uchomaji mkaa.

Alisema visababishi vya uharibifu wa misitu ni ongezeko  kubwa la watu( ndani na nje ya mkoa ),uhaba wa ardhi yenye rutuba,kupanda kwa gharama ya nishati mbadala kama vile umeme na gesi.kupanda kwa gharama ya malighafi mbadala katika ujenzi wa nyumba  na makazi.

Aliongeza kuwa uwezo mdogo wa sekta ya misitu katika kusimamia Rasilimali hiyo,upungufu wa fedha na watumishi.

Hata hivyo alisema mikakati ya kuokoa misitu hiyo inaendelea ikiwa ni pamoja na mamlaka ya za serikali za mitaa zinaendelea kutekeleza sheria ndogo zilizowekwa kulingana na mazingira ya eneo husika.

Alisema sheria zimepitishwa kwa mifugo yeyote inayoingia katika mashamba ya miti ya watu au taasisi kutumiwa kama kitoweo cha taasisi au mmiliki wa shamba husika.

Aidha alisema sheria hiyo imesaidia katika utunzaji wa miti na misitu ya kupanda katika halmashauri ya Wilaya ya Chato.