KIFO CHA POLISI MSTAAFU ALIYEUNGULIA NDANI YA NYUMBA KIMEZUA UTATA,BAADA YA KUKUTWA NA JERAHA LA KUKATWA SHINGO.

serengeti

ASKARI polisi mstaafu Elias Makoye(65)amekufa baada ya kuteketea kwa moto kufuatia nyumba yake kuungua katika mtaa wa bomani mjini Mugumu.

Tukio hilo ambalo limetawaliwa na maelezo mengi linadaiwa kutokea agosti 2 majira ya kati ya saa 1,jioni nyumbani kwake ambako anadaiwa anaishi pekee yake baada ya mkewe kumtelekeza muda mfupi baaada ya
biashara yao kuyumba baada ya kustaafu.

Polisi na uongozi wa hospitali teule  ya Nyerere ddh wamethibitisha kutokea kwa tukio hilo na kuwa uchunguzi wa kina unaeendelea kutokana na utata ulighhubika tukio hilo kwa kuwa marehemu amekutwa na jeraha kubwa shingoni hali inayoonyesha kuwa alijikata ama alikatwa na mtu mwingine kabla ya kuteketeza nyumba.

Habari kutoka kwa mashuhuda wa tukio zinadai kuwa mara baada ya kuona moshi unafuka ndani ya nyumba hiyo walikimbia kwenda eneo la tukio na kukutana na moto mkali,na kuanza kushughulika kuzima kwa kutumia
mchanga na maji.

"Moto ulikuwa mkali zaidi tukaanza kuzima na kufanikiwa kuokoa baadhi ya vitu sebuleni,lakini chumbani kwa marehemu kukawa kumefungwa na chumba kilichoungua ni hicho tu,"alisema Damasi Malibwa.

Malimbwa ambaye ni jilani yake na marehemu alisema kuwa mpaka moto unazimika hawakuwa na taarifa ya kuwepo kwa mtu ndani ,kwakuwa hapakuwa na dalili wala kupiga kelele za kuomba msaada.

Mmoja wa mashuhuda alisema kuwa nyumba hiyo haikuwa na umeme ,karabai ilikuwa pembeni haitumiki hali ambayo ilizua maswali mengi kwa kuwa marehemu alikutwa amekufa amelala kitandani ,"kwa suala la moto watu
walitegemea angekutwa mlangoni anahangaika kutoka si kukutwa kitandani wakati hakuwa mlevi,'alisema shuhuda.

Alidai kuwa wakati moto huo unawaka na wengine wanahangaika kuzima walijaribu hata kupiga simu zake zote zikawa hazipatikani,moja ilibainika aliipeleka kwenye chaji nyingine haikuweza kupatikana kabisa,lengo lilikuwa ni kutaka kujua kama yupo ama la.

Abdul Shaabani alisema kuwa mwishoni watu walisikia harufu kama ya nyama choma ,ndipo wakataka kuhakikisha wakaanza kufukua na kukuta mwili wa marehemu akiwa amelala kifudi fudi.

"Lakini amekutwa na jeraha kubwa shingoni linaloonyesha kukatwa koromeo,hatujui kama moto ndio umesababisha hayo,tumbo limepasuka utumbo uko nje,mikono yake inaonyesha kama alikuwa anapambana na kitu
imekakamaa,imenyooka,polisi wamepata mashaka wameamua kufanya
uchunguzi dhidi ya hali hiyo,"alisema.

Alisema kuwa mlipuko mkali uliostua watu walitegemea kama ni mtu yumo ndani angekuwa amepasuka kichwa,hata  kichwa kilikuwa kizima hivyo baadhi walihisi huenda ilikuwa simu kwa kuwa mlio ulikuwa mkali zaidi.

Mmoja wa majilani alisema kuwa marehemu alikuwa anaishi na kijana mmoja wa Kikurya  kutoka kijiji cha Bukore kama rafiki yake ,ambaye haonekani baada ya tukio hilo na anatafutwa .

Hata hivyo inadaiwa kuwa agosti mosi alichukua pensheni yake benki kiasi ambacho hakijajulikana ,na siku hiyo inadaiwa aliwaambia majirani zake kuwa anamfukuza kijana huyo kutokana na ukaidi wake ,hata hivyo siku hiyo hakuondoka lakini agosti 2 alionekana asubuhi na haikujulikana kama aliondoka ama la,lakini haonekani mpaka sasa.

Habari zingine zinasema kuwa kabla ya tukio inadaiwa kuwa baadhi ya majilani walisikia sauti za watu kubishana ndani na hawakuweza kufuatilia ,mpaka walipostuliwa na tukio hilo.

Na kuwa marehemu ambaye alikuwa na tabia ya kuwahi kurudi nyumbani kwake aliwahi kutekwa na watu mapema tu akiwa anaelekea nyumbani kwake
,hata hivyo hawakufaulu kuchukua kitu baada ya watu kujitokeza
kumsaidia.

Habari zilizonaswa na mwananchi zinadai kuwa polisi wanaendelea na mahojiano na baadhi ya watu akiwemo mke wake ambaye alikuwa akiishi na watoto wake,miongoni mwa wanaohojiwa pia ni majilani kutokana na mazingira yenye utata ya tukio hilo.

Katika tukio jingine dreva boda boda Stephen Mwita(26)amenusurika kufa baada ya kupigwa kwa rungu kichwani na watu waliokusudia kumpora pikipiki nje kidogo ya mji wa Mugumu.

Majeruhi huyo aliyelazwa katika hospitali teule ya Nyerere ddh akiongea na mwandishi wa habari hizi alisema alikutwa na tatizo hilo agosti 2 majira ya saa 1;30 jioni ambapo alifikiwa na mteja na kuomba ampeleke eneo la MCH.

"Alinilipa tsh,2,000= tukaenda mara baada ya kupita sekondari ya Mugumu tulimpita mtu anatembea kwa mguu,akadai nisimame akojoe,ghafla nikiwa namsubiri tuliyempita alifika na kunipiga rungu ya usoni nikaanguka chini ,akanifuata na kuanza kunishambulia tena hapo
chini,"alisema.

Alidai kuwa wakati huo yule abiria wake akiwa anang'ang'ana kuwasha pikipiki waondoke,"walishindwa kwa kuwa nilikuwa nimeizima kwa stop engine,nikaanza kujikokota napiga kelele watu wakajitokeza wakaacha pikipiki wakakimbia,"alisema.

Mmoja wa wauguzi ambaye hakutaka kutaja jina lake kwa kuwa si msemaji alisema kwa sasa anaendelea vizuri baada ya kumshona.

Matukio ya utekaji madreva boda boda yamekuwa yakijitokeza mara kwamara na watu wanaojifanya abiria.