Mwana Wa Afrika

SERENGETI

BARAZA la  madiwani wa Halmashauri  la Wilaya ya Serengeti Mkoani Mara,limeunga mkono msimamo  wa Rais Jakaya Kikwete  wa kutaka kujengwa barabara ya  lami kutoka  Musoma hadi Mto wa mbu.

Kaimu mwenyekiti wa halmashauri ya Serengeti Bw Jumanne Kwiro,akizungumza katika kikao cha dharua za kupitisha bajeti ya ya mwaka 2011/2012 amesema baraza hilo linaunga mkono uamuzi wa Rais Kiwete kuhusu   ujenzi wa barabara  hiyo kwaajili kuharakisha maendeleo wananchi wa  Serengeti na mkoa wa Mara kwa ujumla.

Katika hotuba yake ya kufungua  kikao hicho maalumu, ambacho kimefanyika mjini Mugumu,Bw Kwiri amesistita kuwa  wanaserengeti wanaunga mkono ujenzi wa barabara hiyo ambayo itafungua milango ya uwekezaji na kuinua uchumi wa eneo hilo.

Amesema hoja ya kwamba kujengwa barabara kwamba kutaharibu mazalia ya nyumbu na kuhatarisha shughuli za uhifadhi katika hifadhi ya taifa ya Serengeti haina msingi kwa madai kuwa wananchi wa Serengeti wamekuwa  wahifadhi wazuri kwa miaka mingi hivyo wanaimani kuwa  ujenzi wa barabara hiyo  hautakuwa na maadhara yoyote  kwa wanyama.

Kauli hiyo imeungwa mkono na baraza zima ambalo pia limehudhuriwa na Mkuu wa Wilaya ya Serengeti Lt mstaafu Edward  Lenga, Mkurugenzi Mtendaji wa Halmashuri hiyo Bw Kimulika Galikunga na wataalamu wa idara mbalimbli za serikali.

AIDHA KIKAOP HICHO KIMEtumia  nafasi hiyo pia kulaani baadhi ya  wanaharakati wa mazingira ambao wamekuwa wakipinga ujenzi wa barabara hiyo kwa madai kuwa  itakuwa na maadhara yasiorekibishika  kwa wanyama pori .

Hata hivyo serikali ya Tanzania imesisitiza mara kwa mara kuwa  sehemu ya barabara  hiyo ambayo iko ndani ya hifadhi ya Serengeti haitajengwa kwa kiwango   cha lami,Ujenzi wa barabara hiyo  unalenga kuboresha maisha ya  wananchi  wanaozunguka  hifadhi ya  Serengeti   Kwa upande wa mikoa  ya Arusha na Mara.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,