WAUNGAJI MKONO WA RAIS WA ZAMANI WA MALDIVE WAFANYA VURUGU MTAANI

WAUNGAJI  MKONO  WA  RAIS  WA  ZAMANI  WA  MALDIVE , MOHAMMED NASHEED, WAMEFANYA  GHASIA   MITAANI  KATIKA MJI  MKUU  WA  NCHI  HIYO  HAPO JANA   WAKIWARUSHIA  POLISI MABOMU  YA  PETROLI HUKU WAKIDAI  RAIS  HUYO  AREJESHWE MADARAKANI.

GHASIA  HIZO  ZILIZUKA  BAADA  YA  MTU ALIYECHUKUA  NAFASI  YA  NASHEED , RAIS  MOHAMMED WAHEED HASSAN , KUTOA  WITO  KUUNDA  SERIKALI  YA  UMOJA WA  KITAIFA   KUMALIZA  MZOZO  WA  KISIASA   AMBAO UMEIVURUGA  NCHI  HIYO  KWA  MIEZI  KADHA  SASA.

NASHEED  AMESEMA  KUJIUZULU  KWAKE   JUZI  JUMANNE ILIKUWA  NI  MAPINDUZI  NA  KWAMBA  AMEONDOLEWA MADARAKANI  BAADA  YA  KULAZIMISHWA  KWA  MTUTU  WA BUNDUKI.

AIDHA  AMETAKA  RAIS  MPYA  HASSAN,  AMBAYE  ALIKUWA MAKAMU  WAKE,  AJIUZULU, NA  KWAMBA  ATAPAMBANA  ILI KUREJEA  MADARAKANI.

NASHEED  AMEWAAMBIA  WAUNGAJI  WAKE  MKONO   WAPATAO 2,000  KUWA  ATAREJEA  MADARAKANI  NA  HATAKUBALI MAPINDUZI  HAYO.

BAADA YA KAULI HIYO NASHEED ALIONGOZA MAANDAMANO  MITAANI AMBAPO POLISI  WALIJIBU  KWA  KUFYATUA MABOMU  YA  KUTOA  MACHOZI  NA  KUWAKAMATA  WABUNGE WAWILI  KUTOKA  CHAMA  CHA  NASHEED.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,